“AZƏRBAYCANDA BİZNES MÜHİTİNİN TƏKMİLLƏŞDİRİLMƏSİ” LAYİHƏSİNİN İCRASINA BAŞLANMIŞDIR
AZƏRTAC xəbər verir ki, Dünya Bankı qrupunun üzvü olan Beynəlxalq Maliyyə Korporasiyası (BMK) İsveçrənin İqtisadi Məsələlər üzrə Dövlət Katibliyi (SECO) və bp şirkəti ilə birgə “Azərbaycanda biznes mühitinin təkmilləşdirilməsi” layihəsinə başlamışdır.
Beşillik proqram Azərbaycan hökumətinin sahibkarlar üçün biznes mühitinin yaxşılaşdırılması vasitəsilə davamlı və hərtərəfli iqtisadi artımı təmin etmək səylərinə dəstək olacaqdır. Layihənin əsas məqsədləri sahibkarlıq fəaliyyətinə dair tənzimləyici maneələri azaltmaq, kiçik və orta sahibkarlıq sektorunda sorğu keçirməklə biznes mühitinin monitorinqi, məlumatlandırma və təbliğat işləri aparmaq, nəticədə sahibkarların hüquqi biliklərini artırmaqdır.
BMK Azərbaycanın kiçik və orta sahibkarlıq sektorunda tədqiqatlar aparmaqla ölkədəki biznes mühitinin monitorinqini keçirəcəkdir. Bu tədqiqatlar BMK-Dünya Bankının hazırladığı illik “Doing Business” hesabatı üçün aparılan qlobal monitorinqi tamamlayacaqdır.
Bölmənin digər xəbərləri
