Azərbaycanda minik avtomobilinin istehsalı artıb
Bakı, 17 noyabr, AZƏRTAC
Yanvar-oktyabr aylarında ölkədə 1862 ədəd və ya ötən ilin müvafiq dövrünə nisbətən 365 ədəd çox minik avtomobili istehsal olunub.
Dövlət Statistika Komitəsindən AZƏRTAC-a bildirilib ki, maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 323,4 milyon manatlıq məhsul istehsal edilib. 2020-cu ilin müvafiq dövrü ilə müqayisədə avtomobil, qoşqu və yarımqoşquların istehsalı 3,5 faiz, maşın və avadanlıqların istehsalı 9,1 faiz, sair nəqliyyat vasitələrinin istehsalı isə 90 faiz azalıb.
Bölmənin digər xəbərləri
