Azərbaycanda qaçqın statusu alan şəxslər arasında Əfqanıstan vətəndaşları üstünlük təşkil edirlər
Bakı, 23 yanvar, AZƏRTAC
Hazırda Azərbaycanda 83 əcnəbi dövlət tərəfindən verilmiş qaçqın statusu əsasında yaşayır.
AZƏRTAC xəbər verir ki, bunu Dövlət Miqrasiya Xidmətinin rəisi Vüsal Hüseynov jurnalistlərə müsahibəsində deyib.
Vüsal Hüseynov bildirib ki, həmçinin Birləşmiş Millətlər Təşkilatının Qaçqınlar üzrə Ali Komissarlığı tərəfindən verilmiş mandat əsasında Azərbaycanda yaşayan şəxslər də var. Onların sayı hazırda 2101 nəfərdir. Azərbaycanda qaçqın statusu alanlar müxtəlif ölkələrin vətəndaşlarıdır. Onların arasında İran, Misir, Suriya və Rusiya vətəndaşları da var. Ölkəmizdə əsasən Əfqanıstan vətəndaşları üstünlük təşkil edirlər.
Bölmənin digər xəbərləri
