Azərbaycanın daha bir xəstəxanasında xəstəyə böyrək köçürülmüşdür
Bakı, 14 noyabr (AZƏRTAC). Noyabrın 14-də Respublika Diaqnostika Mərkəzində böyrək transplantasiyası üzrə ilk əməliyyat keçirilmişdir.
Bu barədə AZƏRTAC-a mərkəzdən məlumat verilmişdir.
Noyabrın 13-də xroniki böyrək çatışmazlığının terminal (yekun) mərhələsi diaqnozu ilə 24 yaşlı qız mərkəzə qəbul edilmişdir. Mərkəzin əməkdaşları xəstəni dərhal əməliyyata hazırlamışlar. Donor xəstənin öz atası olmuşdur.
Böyrək transplantasiyası üçün əməliyyat aparılmışdır. Birinci mərhələdə donorun böyrəyi götürülmüş, sonrakı mərhələdə isə alınan böyrək xəstəyə köçürülmüşdür. Hər bir əməliyyat 3 saat çəkmişdir. Ümumilikdə həkimlər əməliyyatın aparılması üçün 6 saat vaxt sərf etmişlər.
Hazırda xəstədə bərpa prosesi gedir.
Bölmənin digər xəbərləri
