AZƏRBAYCANIN ƏLİL ATLETLƏRİ DÜNYA ÇEMPİONATINA HAZIRLAŞIRLAR

17.08.2006 [11:50]
Çap et
A⁺ A^-

Azərbaycan Milli Paralimpiya Komitəsindən AZƏRTAC-a bildirmişlər ki, Hollandiyanın Assen şəhərində əlil idmançılar arasında keçiriləcək atletika üzrə dünya çempionatına hazırlaşan yığma komanda Sergey Təhməzovun rəhbərliyi ilə “Neftçi” İSM-də məşqləri davam etdirir.

Sentyabrın 2-dən 10-dək keçiriləcək yarışlarda Azərbaycanın şərəfini Oleq Ponyutin, Vladimir Zayets, Zeynidin Bilalov, Rövşən Qəhrəmanov, Nadir Ələkbərov, Vüqar Adışirinov, Əlibala Muradov, Bəhruz Bəşirov, Aleksandr Polişşuk və Yuri Qornak qoruyacaqlar.

Avqustun 28-də Hollandiyaya yola düşəcək paralimpiyaçılar uzunluğa və üçtəkanla tullanma, nüvəitələmə, 100, 200 və 400 metr məsafələrə qaçış üzrə bacarıqlarını göstərəcəklər.

Yarışlarda ilk dörd yeri tutanlara 2008-ci ildə Pekində keçiriləcək XIII Yay Paralimpiya oyunlarında iştirak etmək üçün lisenziya xalı veriləcəkdir.