AZƏRBAYCANIN KİŞİLƏRDƏN İBARƏT OTÜSTÜ XOKKEY YIĞMASI BELARUSDA YOLDAŞLIQ GÖRÜŞLƏRİ KEÇİRMİŞDİR
Azərbaycan Otüstü Xokkey Federasiyasından AZƏRTAC-a bildirmişdir ki, kişilərdən ibarət otüstü xokkey millimiz 19 nəfərlik heyətlə Belarusda təlim-məşq toplanışını başa vurmuşdur.
Yığmamız Avropa çempionatına hazırlıq çərçivəsində 6 yoldaşlıq görüşü keçirmişdir. Həmyerlilərimiz ilk görüşdə Belarusun “Stroitel Brest” klubuna 1:3 hesabı ilə məğlub olsalar da, növbəti oyunda rəqibi üzərində 3:2 hesabı ilə qələbə qazanmışdır.
Məşqçilər Saleh Hüseynovla, Yusif Qasımovun rəhbərlik etdiyi yığmamız “Stroitel Brest”lə sonuncu qarşılaşmada 3:6 hesablı ilə uduzmuşdur.
Otüstü xokkeyçilərimiz Belarusun “Minsk” klubu ilə keçirdiyi ilk görüşdə (5:2) qalib gəlsə də, növbəti görüşlərdə (1:2), (1:3) məğlub olmuşdur.
Bölmənin digər xəbərləri
