AZƏRBAYCANIN NÜMAYƏNDƏ HEYƏTİ MOSKVADA RABİTƏ ADMİNİSTRASİYALARI RƏHBƏRLƏRİNİN 36-CI İCLASINDA İŞTİRAK ETMİŞDİR
Regional Rabitə Birliyinin (RRB) yaranmasının 15 illik yubileyi günlərinə təsadüf edən iclasda qurumun fəaliyyətinin nəticələri və strateji istiqamətləri, eyni zamanda beynəlxalq təşkilatlarla əlaqələrinin perspektivləri müzakirə edilmiş, RRB yanında daimi fəaliyyət göstərən Tənzimləmə Komissiyası formalaşdırılmışdır.
Tədbir çərçivəsində birliyin rəhbərliyinə seçki keçirilmiş və Rusiyanın informasiya texnologiyaları və rabitə naziri Leonid Reyman 4 illik müddətə Rabitə Administrasiyası Şurasının sədri seçilmişdir.
Bir qrup Azərbaycan rabitəçisi RRB-nin xüsusi mükafatına layiq görülmüş, nazir Əli Abbasov isə MDB-nin Fəxri fərmanı ilə təltif edilmişdir.
Ə. Abbasov həmçinin MDB ölkələri rabitə nazirləri və Sloveniyanın iqtisadiyyat naziri ilə görüşlər keçirmiş, aparıcı şirkətlərin, o cümlədən “Microsoft”, “İntel” və “Cisco”nun region üzrə rəhbərləri ilə Azərbaycanda texnoloji zonaların yaradılması ilə bağlı fikir mübadiləsi aparmışdır.
Bölmənin digər xəbərləri
