AZƏRBAYCANIN OTÜSTÜ XOKKEY ÜZRƏ YIĞMA KOMANDASI YARIŞLARA UĞURLA BAŞLAMIŞDIR
Millimiz Rumıniya, Bolqarıstan, Litva və Ukrayna komandaları ilə turnirin B qrupunda mübarizə aparır. İlk oyunda Rumıniya komandasını 4:1 hesabı ilə məğlub etmiş bakılılar, növbəti görüşdə Bolqarıstan idmançıları üzərində 5:1 hesabı ilə qələbə qazanmışlar.
Vilnüsdə isə qızlar arasında Avropa çempionatının Trofi yarışları start götürmüşdür. Azərbaycan idmançıları Ukrayna, Litva və Belçika xokkeyçiləri ilə bir qrupda mübarizə aparırlar. Onlar ilk oyunda Ukrayna millisi ilə qarşılaşaraq 1:4 hesabı ilə uduzmuşlar.
Azərbaycanın hər iki komandası növbəti görüşü iyulun 25-də Litva xokkeyçiləri ilə keçirəcəkdir.
Bölmənin digər xəbərləri
