AZƏRBAYCANIN SƏRBƏST GÜLƏŞ ÜZRƏ GƏNCLƏRDƏN İBARƏT YIĞMA KOMANDASI DÜNYA ÇEMPİONATINDA MÜBARİZƏYƏ QATILMIŞLAR
İstanbulda keçirilən dünya çempionatında mübarizəni sərbəst güləş üzrə gənclərdən ibarət yığma komandamız davam etdirir.
Azərbaycan Güləş Federasiyasından AZƏRTAC-a bildirmişlər ki, avqustun 2-də 3 idmançı - Nicat Muradov (50 kq), Etimad Qurbanov (60 kq) və Pərviz Məmmədov (74 kq) birincilik uğrunda mübarizəyə qatılmışlar.
İdmançılarımızdan ikisi yarışları daha tez başa vurmuşlar. Amma 60 kiloqram çəki dərəcəsində qüvvəsini sınayan Etimad Qurbanov isə 3-cü yer uğrunda təsəlliverici görüşlərdə iştirak etmək şansı əldə etmişdir. Pəhləvanımız yarımfinalda məğlub olsa da, onun rəqibi finala yüksəlmişdir. Bu da E.Qurbanova bürünc medal qazanmaq üçün imkan yaratmışdır.
Dünya çempionatında yunan-Roma və qadın güləşçilərimiz mübarizəni başa vurmuşlar. Gərgin keçən qarşılaşmalarda pəhləvanlarımız bir qızıl və üç bürünc medal qazanmışlar.
Bölmənin digər xəbərləri
