AZƏRBAYCANIN VOLEYBOL ÜZRƏ YIĞMA KOMANDASI AVROPA ÇEMPİONATININ İKİNCİ MƏRHƏLƏSİNƏ ÇIXMIŞDIR
Bakı,11 yanvar (AZƏRTAC). Azərbaycanın voleybol üzrə qızlardan ibarət (U-17) yığma komandası Danimarkada keçirilmiş Avropa birinciliyinin seçmə turnirinin birinci mərhələsini uğurla başa vurmuşdur.
Azərbaycan voleybolçuları ilk görüşdə Norveç yığmasına 3:0 hesabı ilə qalib gəlmişlər. Danimarka yığması ilə görüşdə də voleybolçu qızlarımız həmin hesabla üstün olmuşlar. Bu qələbələr sayəsində Azərbaycan komandası qrupda birinci yeri tutmuş və bu ilin aprel ayında Fransada keçiriləcək Avropa çempionatının ikinci təsnifat mərhələsində iştirak etmək hüququ qazanmışdır.
Bölmənin digər xəbərləri
