AZƏRBAYCANIN YENİYETMƏ BOKSÇULARI AVROPA BİRİNCİLİYİNDƏ İŞTİRAK EDƏCƏKLƏR

14.08.2006 [10:53]
Çap et
A⁺ A^-

AZƏRTAC xəbər verir ki, avqustun 19-26-da Ukraynanın Nikolayev şəhərində 1991-93-cü il təvəllüdlü boksçular arasında Avropa birinciliyi keçiriləcəkdir.

Bu yarışda Azərbaycanın idman şərəfini baş məşqçi Rasim Məmmədovun rəhbərliyi ilə 11 boksçu qoruyacaqdır. Hazırda “Rabitəçi” idman klubunda təlim-məşq toplanışında olan yığma komandanın heyətinə Salman İbrahimov (38 kq), Elnur Zeynalov (40 kq), Mehdi Səfiyarov (43 kq), Tamerlan Abdullayev (46 kq), Azər Babayev (50 kq), Kamran Teymurov (52 kq), Ramiz Şirinov (54 kq), Sərxan Əliyev (56 kq), Samir Hacıyev (59 kq), Pərviz Əliyev (62 kq) və Vətən Hüseynli (72 kq) daxildir.

Komanda avqustun 17-də Ukraynaya yola düşəcəkdir. Yarışı idarə edənlər arasında beynəlxalq dərəcəli hakim Mehman Mürsəlov da olacaqdır.