Azərbaycanlı deputat Kəşfiyyat və Təhlükəsizlik üzrə Parlament Forumunda iştirak edəcək
Bakı, 3 sentyabr, AZƏRTAC
Milli Məclisin deputatı Kamal Cəfərov “Kəşfiyyat və Təhlükəsizlik üzrə Parlament Forumu”nda iştirak etmək üçün sentyabrın 5-də Macarıstanın paytaxtı Budapeştə səfərə yola düşəcək.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, Macarıstan Milli Assambleyasının təşkil etdiyi tədbirə Amerika, Avropa, Asiya, Afrika qitələrindəki bir sıra dövlətlərin nümayəndələri qatılacaqlar. Milli Məclisin deputatı forumda “Parlamentlər arasında əməkdaşlığın gücləndirilməsi: ən müsbət təcrübə” mövzusunda məruzə ilə çıxış edəcək.
Səfər sentyabrın 8-də başa çatacaq.
Bölmənin digər xəbərləri
