Azərbaycanlı həkimlər üçün təkmilləşdirilmə kursları keçiriləcəkdir
Bakı, 20 sentyabr (AZƏRTAC). Azərbaycan Respublikasının Səhiyyə Nazirliyi ilə Rusiya Federasiyasının Diplomdan Sonrakı Tibb Təhsili Akademiyası arasında imzalanmış sazişə əsasən azərbaycanlı həkimlər üçün təkmilləşdirilmə kurslarına başlanılır.
Nazirliyin mətbuat xidmətindən AZƏRTAC-a bildirmişlər ki, kurslar akademiyanın professor və müəllim heyəti tərəfindən Əziz Əliyev adına Azərbaycan Dövlət Həkimləri Təkmilləşdirmə İnstitutunda keçiriləcəkdir.
Kurslarda dövlət xəstəxanalarda neonatologiya, endokrinologiya və pulmonologiya ixtisasları üzrə işləyən və rus dilini bilən (45 yaşadək) mütəxəssislər iştirak edə bilərlər.
Sənədlər oktyabrın 1-i saat 10:00-dan 16:00-dək Səhiyyə Nazirliyində (245\246 nömrəli otaq) qəbul edilir.
Bölmənin digər xəbərləri
