“AZƏRİQAZ”A 354 MİLYON KUBMETRDƏN ARTIQ TƏBİİ QAZ TƏHVİL VERİLMİŞDİR

25.09.2004 [19:43]
Çap et
A⁺ A^-

Cari ilin avqust ayında “Azəriqaz” Qapalı Səhmdar Cəmiyyətinə 354,6 milyon kubmetr təbii qaz təhvil verilmişdir. Bu, nəzərdə tutulandan 17,6 milyon kubmetr çoxdur.

Azərbaycan Dövlət Neft Şirkətindən AZƏRTAC-ın müxbirinə bildirmişlər ki, respublikanın müvafiq strukturlarından “Azəriqaz”ın təhvil aldığı təbii qazın 280 milyon kubmetri “Azneft” İstehsalat Birliyinin neft-qazçıxarma idarələrinin, 1,4 milyon kubmetri müqavilə əsasında fəaliyyət göstərən müştərək müəssisə və əməliyyat şirkətlərinin, 72 milyon kubmetri isə Azərbaycan Beynəlxalq Əməliyyat Şirkətinin payına düşür.

“Azəriqaz” qalan 1,2 milyon kubmetr qazı “Anşad Petrol” birgə müəssisəsindən sərbəst satış yolu ilə almışdır.