“AZƏRREYL” TÜRKİYƏNİN “ƏCZAÇIBAŞI” KOMANDASI İLƏ YENİDƏN GÖRÜŞƏCƏK
Qadınlar arasında voleybol üzrə çempionlar liqasının dörddə bir finalında “Azərreyl” Türkiyənin “Əczaçıbaşı” komandası ilə görüşəcəkdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, bu, bir gün əvvəl keçirilmiş püşkatma nəticəsində məlum olmuşdur.
İlk görüş təxminən fevralın 24-25-də Bakıda, təkrar görüş isə bir həftə sonra İstanbulda keçiriləcəkdir.
Xatırladaq ki, ötən il bu klublar çempionlar liqasının seçmə turniri çərçivəsində iki dəfə görüşmüşlər. O zaman Azərbaycan voleybolçuları hər iki görüşdə qalib gəlmişdilər.
“Azərreyl” çempionlar liqasının qrup turnirini məğlubiyyətsiz başa vurmuşdur.
Bölmənin digər xəbərləri
