“Azərreyl”in voleybolçusu: Uğurlu çıxışda azarkeşlərimizin böyük rolu oldu
Bakı, 19 oktyabr, AZƏRTAC
“Hər iki qələbə münasibətilə komandamı təbrik edirəm. Uğurlu çıxışda azarkeşlərimizin böyük rolu oldu”.
AZƏRTAC xəbər verir ki, bu sözləri “Azərreyl”in voleybolçusu Aynur İmanova Çağırış Kubokunun 1/32 final mərhələsində Bakıda Ukraynanın “Balta” klubuna hər iki oyunda 3:0 hesabı qalib gəlmələri barədə danışarkən deyib.
Kapitan bildirib ki, bundan sonra komandasını daha çətin matçlar gözləyir: “Həmin görüşlərə yaxşı hazırlaşmaq, uğurlu nəticələri davam etdirmək üçün əlimizdən gələni edəcəyik”.
Onun sözlərinə görə, azarkeşlərdən aldıqları dəstək komanda üzvlərini qürurlandırıb: “Onları görəndə daha yaxşı oyun ortaya qoyuruq. Düzdür, səfər görüşlərində belə atmosfer olmayacaq. Ancaq yenə də bütün gücümüzlə mübarizə aparacağıq”.
Qeyd edək ki, “Azərreyl” Çağırış Kubokunun 1/16 final mərhələsində İspaniyanın “Avarka de Menorka” klubu ilə üz-üzə gələcək.
Bölmənin digər xəbərləri
