“Azərsu” ASC-nin rəhbərliyi Salyan və Neftçalada sakinlərlə görüşəcək
Bakı, 19 yanvar, AZƏRTAC
Mərkəzi icra hakimiyyəti orqanlarının, digər idarəetmə qurumlarının rəhbərlərinin 2023-cü ilin yanvar ayında şəhər və rayonlarda vətəndaşların qəbulu cədvəlinə uyğun olaraq “Azərsu” Açıq Səhmdar Cəmiyyətinin sədr müavini Köçərli Həsənov yanvarın 27-də Salyan şəhərində Salyan və Neftçala sakinlərini qəbul edəcək.
Cəmiyyətin İctimaiyyətlə əlaqələr şöbəsindən AZƏRTAC-a bildirilib ki, qəbul saat 10:00-dan başlayaraq Salyan Rayon İcra Hakimiyyətinin binasında keçiriləcək. Qəbulda sakinlərin aidiyyəti üzrə müraciətləri dinləniləcək.
Vətəndaşlar qəbul üçün Salyan və Neftçala Sukanal sahələrinə, həmçinin 431-47-67 (daxili: 22-92, 22-93) nömrəsi və [email protected] elektron poçtu vasitəsilə ilə “Azərsu” ASC-yə müraciət edə bilərlər.
Bölmənin digər xəbərləri
