AZƏRTAC “Astana Finance Days 2026” forumunun media tərəfdaşı kimi çıxış edəcək
Astana, 18 avqust, AZƏRTAC
Qazaxıstan paytaxtı sentyabrın 9-10-da yenidən Avrasiya regionunun investisiya və maliyyə gündəliyinin formalaşdırıldığı məkana çevriləcək. “Astana” Beynəlxalq Maliyyə Mərkəzi (ABMM) investorları, maliyyə və texnologiya sektorlarının nümayəndələrini, tənzimləyici qurumları, dövlət və kvazidövlət institutlarını, habelə beynəlxalq biznes nümayəndələrini bir araya gətirəcək IX “Astana Finance Days 2026: “Delivering Impact. Capital in Action” forumunu keçirəcək.
Azərbaycan Dövlət İnformasiya Agentliyi (AZƏRTAC) forumun rəsmi media tərəfdaşı kimi çıxış edəcək.
AZƏRTAC “Astana” Beynəlxalq Maliyyə Mərkəzinə istinadla xəbər verir ki, 2026-cı ildə forumda dünyanın 80-dən çox ölkəsindən 5 500-dən artıq iştirakçının bir araya gələcəyi gözlənilir.
“AFD 2026”nın spikerləri arasında dövlət sektorunun, milli şirkətlərin, beynəlxalq maliyyə institutlarının, qlobal investisiya və aktivlərin idarə edilməsi şirkətlərinin nümayəndələri yer alacaq.
Kapital uğrunda qlobal rəqabətin gücləndiyi bir şəraitdə investorların, tənzimləyici qurumların və maliyyə sənayesinin liderlərinin bir araya gəldiyi platformalar strateji qərarların qəbul edildiyi əsas məkanlara çevrilir.
“Astana Finance Days 2018”ci ildə təsis edildiyi vaxtdan etibarən Avrasiya regionunun kapital bazarlarının inkişafına və Qazaxıstanda yeni biznes imkanlarının formalaşmasına töhfə verən əsas maliyyə forumlarından biri kimi özünü təsdiqləyib.
Forumun iştirakçıları hər il onun praktiki əhəmiyyətini xüsusi vurğulayırlar, belə ki, bu platforma layihələrə, sövdələşmələrə və uzunmüddətli strateji tərəfdaşlıqlara çevrilən əməkdaşlıq əlaqələrinin qurulmasına imkan yaradır. Biznes nümayəndələri yeni tərəfdaşlar qazanır, maliyyə gündəliyindəki məsələlər həllini tapır və iştirakçıların sayı hər il daha da artır.
“AFD 2026” praktiki həllərin hazırlanmasına yönəlmiş dərin müzakirələr formatında keçiriləcək. Forum iştirakçıları qlobal trendləri təhlil etmək, yeni biznes və investisiya istiqamətləri axtarmaq, maliyyə xidmətləri üzrə peşəkar sərgini ziyarət etmək, habelə investorlar, top-menecerlər və sənaye liderləri ilə işgüzar əlaqələr qurmaq imkanları əldə edəcəklər.
“AFD 2026”nın əsas mövzuları sırasında kapital bazarları və investisiya məhsulları; etimad infrastrukturu – tənzimləmə, hüquqi mühit və bazarların dayanıqlılığı; institusional miqyasda innovasiyalar; iqtisadiyyatın real sektorunun maliyyələşdirilməsi; kapital bazarlarında regional və sərhədlərarası əməkdaşlıq yer alır.
ABMM ekosisteminin imkan və üstünlüklərinə də xüsusi diqqət yetirilir. Forum çərçivəsində mərkəzin yurisdiksiyasında biznesin inkişafına dair nümunələr, yəni, şirkətlərin inkişaf hekayələrindən tutmuş uğurla kapital cəlb edilməsinə və beynəlxalq bazarlara çıxışa qədər müxtəlif təcrübələr təqdim olunacaq.
Forumun digər mühüm məkanlarından biri də maliyyə institutlarını, bankları, investisiya və aktivlərin idarə edilməsi şirkətlərini, fintex və texnologiya layihələrini vahid məkanda bir araya gətirən AFD Exhibition sərgi platforması olacaq. İştirakçılar burada öz həllərini, məhsullarını və fəaliyyətlərinin nəticələrini təqdim edəcəklər.
İştirakçıların qeydiyyatı və tədbirin forumun rəsmi saytında təqdim olunur: astanafindays.org/ru
Forumla bağlı ümumi məsələlər üzrə müraciətlər qəbul edilir - [email protected].
“Astana” Beynəlxalq Maliyyə Mərkəzi (ABMM) beynəlxalq standartlara uyğun şəffaf və əlverişli biznes fəaliyyəti, investisiyaların cəlb edilməsi və yeni məhsul və xidmətlərin tətbiq edilməsi hesabına ölkənin maliyyə bazarının inkişafı üçün yaradılmış ekosistemdir.
Bölmənin digər xəbərləri
