AZƏRTAC-IN FUTBOL KOMANDASI YARIMFİNALA VƏSİQƏ QAZANDI
B qrupunda yarışan AZƏRTAC-ın futbol komandası bu turda “Bakı xəbər” qəzetinin kollektivini 5:3 hesabı ilə məğlub etmişdir.
Turnirin proqramına uyğun olaraq, “Jurnalist” komandası “Futbol dünyası” ilə qarşılaşmalı idi. Lakin, rəqib komanda oyuna gəlmədiyi üçün “Jurnalist”in futbolçularına texniki qələbə (5:0) verilmişdir.
Beləliklə, B qrupunda birinci – ikinci yerləri tutmuş AZƏRTAC və “Jurnalist” komandaları turnirin yarımfinalına vəsiqə qazanmışlar.
Avqustun 17-də keçiriləcək yarımfinal görüşlərində AZƏRTAC-ın komandası A qrupunda ikinci yeri tutmuş “Neftçi” fanklubu ilə, “Jurnalist” futbolçuları isə A qrupunun lideri “Neftçi”nin veteran futbolçulardan ibarət kollektivi ilə qarılaşacaqlar.
Bölmənin digər xəbərləri
