AZEUROTEL BİRGƏ MÜƏSSİSƏSİ EVLƏRƏ VƏ OFİSLƏRƏ YENİ XİDMƏT TƏKLİF EDİR
AZƏRTAC xəbər verir ki, Heydər Əliyev adına İdman-Konsert Kompleksində bu münasibətlə təqdimat mərasimi keçirilmişdir. Mərasimdə rabitənin bu müasir, daha keyfiyyətli və çoxşaxəli növü haqqında ətraflı məlumat verilmiş, yeni texnologiya tamaşaçılara nümayiş etdirilmişdir. Bundan istifadə etmək istəyən abunəçi eyni vaxtda yüksək sürətli İnternet xidməti, 100-ə yaxın televiziya kanalı seçimi olan kabel TV, eləcə də ənənəvi telefon və İP-telefoniya rabitəsini qazanacaqdır. Bütün bunlar müştərinin evində quraşdırılmış modem vasitəsilə həyata keçiriləcəkdir.
Bundan başqa, şirkət korporativ müştərilərinə ETTH - məlumatların, nitqin və videonun sadə, ucuz İnternet vasitəsilə ötürülməsi xidmətini də təqdim etmişdir.
Bu texnologiyanın tezliklə tanınmasında və Azərbaycan telekommunikasiya bazarında özünə yer tapmasında indi keçirilən sərginin əhəmiyyəti vurğulanmışdır.
