“Azneft” İB-nin “Abşeronneft” neft və qaz çıxarma idarəsində qanvermə aksiyası keçirilmişdir
Bakı, 25 oktyabr (AZƏRTAC). Azərbaycan Respublikası Dövlət Neft Şirkətinin (ARDNŞ) “Azneft” İstehsalat Birliyinin (İB) “Abşeronneft” neft və qaz çıxarma idarəsində “Hemofiliya və talassemiyadan əziyyət çəkən uşaqlara qayğı” Dövlət Proqramının icrası ilə bağlı könüllü qanvermə aksiyası keçirilmişdir.
AZƏRTAC xəbər verir ki, V.Eyvazov adına Elmi-Tədqiqat Hematologiya və Transfuziologiya İnstitutunun səyyar qanköçürmə laboratoriyasının əməkdaşları tərəfindən talassemiyalı uşaqlara yardım məqsədi ilə keçirilən aksiyada idarənin dənizdə və quruda yerləşən müxtəlif mədən sahələrində çalışan 100-dən çox əməkdaşı iştirak etmişdir.
Daha bir qanvermə aksiyası isə İB-nin “BibiHeybətneft” neft və qaz çıxarma idarəsində keçirilmişdir. Hemofiliyadan əziyyət çəkən uşaqlara yardım məqsədi ilə keçirilən aksiyada idarənin rəhbər işçiləri ilə yanaşı, 100-dən çox işçi qan vermişdir.
Bölmənin digər xəbərləri
