BADMİNTON ÜZRƏ BAKI BİRİNCİLİYİ BAŞLAMIŞDIR
Bakı, 12 yanvar (AZƏRTAC). Yanvarın 12-də Bakı Slavyan Universitetinin idman zalında badminton üzrə paytaxt birinciliyi başlamışdır.
Badminton Federasiyasından bildirmişlər ki, yarışda 1996-cı, 1997-ci və 1998-ci illər təvəllüdlü və daha kiçik yaşda olan təxminən 80 idmançı mübarizə aparacaqdır.
Yarışın ilk günündə 1998-ci il təvəllüdlü və daha kiçik yaşda olan idmançılar yarışacaq, yanvarın 15-dən isə yarışa digər yaş qrupunda olan idmançılar qoşulacaqlar.
Oyunları hakim Oqtay Rzayev idarə edəcəkdir.
Birincilik yanvarın 18-də yekunlaşacaqdır.
Bölmənin digər xəbərləri
