Bakı Avtovağzalında ilk dəfə kitabxana məntəqələri fəaliyyətə başlayıb
Bakı, 24 yanvar, AZƏRTAC
Bakı Beynəlxalq Avtovağzal Kompleksində ilk dəfə kitabxana məntəqələri fəaliyyətə başlayıb.
Avtovağzaldan AZƏRTAC-a bildirilib ki, kitabxanalar Bakı Avtovağzalının iki gözləmə zalında təşkil olunub. Məqsəd insanların kitaba, mütaliəyə olan marağını artırmaq, bu istiqamətdə təşviqat və təbliğatı gücləndirmək, həmçinin sərnişinlərin öz nəqliyyat vasitələrini gözləyərkən vaxtlarını səmərəli keçirmələrini təşkil etməkdir.
Bu məntəqələrdə latın və kiril qrafikası əsasında Azərbaycan və dünya ədəbiyyatından olan müxtəlif dillərdə kitablar toplanılıb. Hər yaşda olan sərnişinlər sırf onları maraqlandıran məzmunlarda əsərləri rahatlıqla oxumaq imkanı qazanacaqlar.
Bölmənin digər xəbərləri
