BAKI CAZ MƏRKƏZİNİN PERSPEKTİV PLANLARI
Bakı Caz Mərkəzindən AZƏRTAC-a bildirmişlər ki, bu yaradıcılıq qurumunun rəhbərliyi caz sahəsində ixtisaslaşmış tanınmış əcnəbi musiqi kollecləri ilə danışıqlar aparır.
Mərkəzin art-direktoru Emil Məmmədov demişdir ki, Azərbaycanda caz elminin tədris olunduğu xüsusi musiqi müəssisəsi yoxdur. Biz gənc musiqiçilərimizin tanınmış musiqi kolleclərində və caz fakültələrində təhsil alması ümidi ilə danışıqlar aparırıq. Musiqiçilərin caz dünyasının sirlərini öyrənməsinə kömək göstərmək lazımdır. Bu baxımdan müəllimdən çox şey asılıdır. Müasir estrada musiqisi getdikcə sadələşir, bəsitləşir, çox vaxt canlı musiqini elektron musiqi əvəz edir. Bu meyli yalnız yaxşı müəllim aradan qaldıra bilər. Caz mədəniyyətinə, caz ifaçılığı ustalığına yiyələnmək, inprovizasiya bacarığı yaradıcı şəxsiyyətin inkişaf etməsinə və gözəl musiqi zövqünün formalaşmasına kömək edir.
Caz mərkəzi yaxın vaxtlarda tanınmış əcnəbi müəllimlərin iştirakı ilə ustad dərsləri keçirmək niyyətindədir.
Bölmənin digər xəbərləri
