Bakı-Şamaxı-Yevlax avtomobil yolunun 15-45 kilometr hissəsi dörd zolaqlı olacaqdır
Bakı, 30 oktyabr (AZƏRTAC). Bakı-Şamaxı-Yevlax avtomobil yolunun 15-45-ci kilometr hissəsinin əlavə 2 hərəkət zolağı tikilməklə, 1-ci texniki dərəcəli, dörd zolağa çatdırılması üzrə işlər davam etdirilir.
“Azəryolservis” ASC-nin mətbuat xidmətindən AZƏRTAC-a bildirmişlər ki, yol boyu 4 avtobus dayanacağı, 1 yerüstü, 1 yeraltı piyada keçidi, 34 dairəvi, 8 düzbucaqlı borunun tikintisi nəzərdə tutulmuşdur.
Yolun 10 kilometr hissəsinə 2 qat asfalt-beton örtük döşənmişdir. Hazırda 26 kilometr hissədə torpaq işləri, boruların və heyvan keçidlərinin tikintisi həyata keçirilir.
İnşaat işlərinin 2014-cü ildə başa çatdırılması planlaşdırılır.
Bölmənin digər xəbərləri
