BAKIDA “HİNDİSTAN ŞOU” SƏRGİSİ AÇILACAQ
Hindistanın Azərbaycandakı səfiri Cyoti Şvarup Pande, Hindistan Ticarət Təşviqatı Təşkilatının sərgilər üzrə baş meneceri Prabat Çandra Şarma çıxış edərək bildirmişlər ki, sərgidə bu ölkənin toxuculuq, məişət mebeli, əczaçılıq və ərzaq məhsulları, zinət əşyaları istehsalçısı olan 24 şirkəti təmsil olunacaqdır.
Azərbaycan Ticarət və Sənaye Palatasının vitse-prezidenti Mehman Əhmədov ölkəmizlə Hindistan arasında genişlənən ticarət əlaqələrindən danışmışdır. Bildirilmişdir ki, Azərbaycanda da rəqabət qabiliyyətli, müasir standartlara cavab verən müxtəlif çeşidli mallar istehsal olunur. Azərbaycan hökuməti həm dövlət sektorunda, həm də özəl sektorda hazırlanan yüksək keyfiyyətli malların xarici bazarlara çıxarılması məqsədi ilə onların sərgilərdə mərkəzləşdirilmiş şəkildə nümayişinin təşkilinə başlamışdır.
Bölmənin digər xəbərləri
