Bakıda keçiriləcək cüdo üzrə “Böyük dəbilqə” turniri üçün Azərbaycan yığmasının heyəti açıqlanıb
Bakı, 29 mart, AZƏRTAC
Mayın 10-12-də Bakıda keçiriləcək cüdo üzrə “Böyük dəbilqə” turniri üçün Azərbaycan yığma komandasının heyəti açıqlanıb.
AZƏRTAC xəbər verir ki, doğma arenada keçiriləcək nüfuzlu yarışda ölkəmizi 51 cüdoçu təmsil edəcək. Kişilərin yarışında millimizin heyətində bütün çəki dərəcələrində 4 idmançı olmaqla 28 cüdoçu tatamiyə çıxacaq. Qadınlar arasında isə 23 cüdoçumuzun iştirakı planlaşdırılıb.
İndiyədək 27 ölkədən 225 cüdoçu Bakıda keçiriləcək “Böyük dəbilqə” turnirində iştirakını təsdiqləyib.
Bölmənin digər xəbərləri
