BAKIDA KLASSİK XARİCİ AVTOMOBİLLƏRİN PARADI KEÇİRİLMİŞDİR

25.07.2006 [22:01]
Çap et
A⁺ A^-

AZƏRTAC xəbər verir ki, iyulun 25-də Bakının Azadlıq meydanında “Dözümlülük” devizi ilə Hollandiyanın paytaxtı Amsterdamdan start götürən və Pekinə irəliləyən klassik avtomobillər karvanının paradı təşkil olunmuşdur.

Tədbirdə mədəniyyət və turizm naziri Əbülfəs Qarayev iştirak etmiş, uzun yol gəlmiş sürücülərin problemləri ilə maraqlanmışdır.

Dünyanın tanınmış şirkətlərinin yüzdən çox antikvar avtomobili

bir ay ərzində 14 ölkənin, əsasən, qədim İpək Yolunun üzərində

yerləşən ölkələrin ərazisindən keçərək, təxminən 17,5 min kilometr

məsafə qət etməlidir. Yarışın Azərbaycan üzrə təşkilatçısı “İmprotex

Travel” turizm şirkətidir. Yürüşdə Bakı “Retro” Klubunun 10-dək

avtomobili də iştirak edir.

Rallinin başlandığı gün yarışlara 120 avtomobil qoşulsa da,

hazırda yürüşü 103 avtomobil davam etdirir. Yarışda əsas məqsəd qədim avtomobillərin dözümlülüyünü yoxlamaqdır. Yürüşdə iştirak edən ən qədim avtomobil 1926-cı ildə istehsal olunmuşdur.

Elə həmin gün maşın karvanı Bakı Beynəlxalq dəniz limanından

bərəyə yüklənib Türkmənistana yola düşmüşdür.

Yürüş avqustun 13-də Pekində başa çatacaqdır.