BAKIDA MÜTLƏQ KATEQORİYADA KYOKUŞİNKAY KAYKAN KARATE ÜZRƏ BİRİNCİ DÜNYA ÇEMPİONATI KEÇİRİLİR
Bakı, 27 iyun (AZƏRTAC). İyunun 27-də Bakı İdman Sarayında kişilər və qadınlar arasında mütləq kateqoriyada kyokuşinkay kaykan karate üzrə birinci dünya çempionatı başlanmışdır.
Beynəlxalq kyokuşinkay karate federasiyasının prezidenti Teyyub Əzizov mətbuat konfransında demişdir ki, çempionatda 30-dan artıq ölkənin təmsilçisi mübarizə aparacaqdır.
Yarışda hər ölkə özünün bir mütləq çempionu ilə təmsil olunacaqdır. Azərbaycan isə çempionata ev sahibliyi etdiyindən daha çox idmançı ilə təmsil olunmaq hüququna malikdir. Turnirdə ölkəmiz 2 qadın və 8 kişi idmançı ilə təmsil olunacaqdır.
Dünya çempionatında hər ölkənin mütləq çempionları iştirak etdiyindən burada çəki və yaş kateqoriyaları nəzərə alınmır. Karatenin bu növündə tərəflərdən birinin qalib gəlməsi üçün, rəqib ya nokaut vəziyyətinə düşməli, ya da döyüşdən imtina etməlidir.
######
Bölmənin digər xəbərləri
