BAKIDA OLİMPİYA LİSENZİYALI TURNİRDƏ İLK GÖRÜŞLƏR KEÇİRİLMİŞDİR
Həmin görüşlərin nəticələrinə əsasən, kişilər arasında 58 kq çəkidə yarımfinalda ukraynalı Aleksandr Şapoşnyuk və rusiyalı Seyfulla Məhəmmədov, habelə belçikalı Əhməd Bourax və alman Paul Qrin qarşılaşacaqlar.
Azərbaycan taekvondoçusu, 2001-ci ilin dünya çempionu Niyaməddin Paşayev (68 kq) Rusiya, İslandiya və Kiprdən olan rəqiblərini məğlubiyyətə uğradaraq, yarımfinalda alman Ərdal Aylançla görüşəcəkdir. N.Paşayev Rusiya və Kipr idmançılarına nokautla qalib gəlmişdir. Həmin çəkidə yarımfinalda Cesper Roesen (Danimarka) və Tuncay Çalışqan (Avstriya) da yarışacaqlar.
Azərbaycan taekvondoçusu Aynurə Məmmədova (57 kq) uğursuz çıxış edərək mübarizəni dayandırmışdır. Yarımfinalda polşalı Aleksandra Ustinska və ispaniyalı Sonya Reyes, habelə israilli Noa Şmida və rusiyalı Marqarita İvanova görüşəcəklər.
Yarımfinalda +67 kq çəkidə belçikalı Laurentse Rasse və norveçli Nataşa Vezmar, polşalı Beata Mikolayçak və ingilis Sara Stivenson mübarizə aparacaqlar.
Bölmənin digər xəbərləri
