Bakının “Lokomotiv” voleybol komandası CEV kuboku yarışlarının səkkizdəbir final mərhələsinə yüksəlmişdir
Bakı, 30 oktyabr (AZƏRTAC). Qadınlar arasında Avropa Voleybol Konfederasiyası (CEV) kuboku yarışlarında onaltıdabir final mərhələsinin cavab oyunları keçirilmişdir.
AZƏRTAC xəbər verir ki, Bakının “Lokomotiv” komandası Çexiyada yerli “Brno” kollektivinin qonağı olmuşdur. Gərgin idman mübarizəsi şəraitində keçən görüş Bakı voleybolçularının 3:0 hesablı qələbəsi ilə yekunlaşmışdır.
Bakıda təşkil olunmuş oyununda eyni hesabla rəqibini məğlub edən “Lokomotiv” komandası CEV kuboku yarışlarının səkkizdəbir final mərhələsinə yüksəlmişdir. “Brno” kollektivi isə mübarizəni Çellenc Kuboku yarışlarında davam etdirəcəkdir.
Bölmənin digər xəbərləri
