“BAKUTEL-2004” BEYNƏLXALQ SƏRGİSİ KEÇİRİLƏCƏK
AZƏRTAC-ın müxbiri xəbər verir ki, Böyük Britaniyanın İTE Group PLC və onun Azərbaycandakı eksklüziv tərəfdaşı “İteqa Caspian” şirkətinin təşkil etdiyi sərgidə dünyanın 16 ölkəsindən 90-a yaxın şirkət təmsil olunacaqdır. Yubiley sərgisinin iştirakçıları telekommunikasiya və informasiya texnologiyaları sənayesinin ən son məhsulları, genişzolaqlı İnternetə çıxış, peyk rabitəsi və bir çox qabaqcıl xidmətlərdən istifadə ilə tanış olacaq, birbaşa işgüzar əlaqələr qurmaq imkanı qazanacaqlar.
Rabitə və İnformasiya Texnologiyaları Nazirliyi, Ticarət və Sənaye Palatası, Sərmayələrin Təşviqi və Məsləhət Fondu, eləcə də Azərbaycan Banklar Assosiasiyası tərəfindən rəsmi dəstək almış sərgidə Azərbaycan, Türkiyə, Çin, Almaniya, Rusiya, ABŞ, Litva, Fransa, Finlandiya və digər ölkələrin şirkətləri məhsullarını nümayiş etdirəcəklər.
Sərginin baş sponsoru “KATEL” birgə müəssisəsidir.
Bölmənin digər xəbərləri
