BALAKƏN RAYON XƏSTƏXANASININ TİKİNTİSİ SÜRƏTLƏNİR
Prezident İlham Əliyevin iştirakı ilə 2006-cı ilin aprelində təməli qoyulan bu xəstəxana kompleksinin tikintisində indiyədək 1 milyon 14 min manatlıq inşaat işləri görülmüşdür. Kompleksin tikintisini “Rabitə-İnşaat” Açıq Səhmdar Cəmiyyətinin kollektivi həyata keçirir. Tikintidə 80 nəfərə yaxın işçi qüvvəsi çalışır. Onların orta aylıq əmək haqqı 350-400 manatdır. Hazırda binanın üçüncü mərtəbəsində beton işləri gedir.
Xatırladaq ki, xəstəxana kompleksinin tikintisi üçün 10 milyon ABŞ dolları məbləğində vəsait ayrılmışdır. Bundan əlavə, kompleks 3 milyon dollar dəyərində müasir tibbi avadanlıqla da təchiz olunacaqdır. Kompleksdə poliklinika, cərrahiyyə, terapiya, nevrologiya, reanimasiya, doğum və uşaq xəstəlikləri şöbələri fəaliyyət göstərəcəkdir. Xəstəxana kompleksinin tikintisinin iki il müddətinə başa çatdırılması nəzərdə tutulmuşdur.
Bölmənin digər xəbərləri
