BALAKƏNDƏ FARAŞ TƏRƏVƏZ ƏKİNİNƏ BAŞLANMIŞDIR
Balakən rayonunun təsərrüfatlarında faraş tərəvəz əkininə başlanılmışdır. Hazırda tərəvəz şitilləri istixanalara köçürülür. Rayonun Qabaqçöl ərazisindəki yaşayış məntəqələrində, habelə Qazma, Sarıbulaq və Talalar kəndlərində faraş tərəvəz əkininə maraq daha çoxdur. Xatırladaq ki, 2005-ci ildə Balakən rayonu üzrə istehsal olunmuş 21,6 min ton tərəvəzin yarıdan çoxunu faraş tərəvəz təşkil etmişdir.
Rayon icra hakimiyyətindən AZƏRTAC-ın müxbirinə bildirmişlər ki, hazırda təsərrüfatlarda qarğıdalı, kartof və digər yazlıq bitkilərin əkini, habelə yonca səpini də müvəffəqiyyətlə davam edir.
Bölmənin digər xəbərləri
