BALAKƏNDƏ KƏND TƏSƏRRÜFATIMƏHSULLARI İSTEHSALI ARTMIŞDIR
Rayon icra hakimiyyətindən AZƏRTAC-ın müxbirinə bildirmişlər ki, cari ildə Balakəndə fındıq istehsalının 6 min tona çatması kənd əhalisinin pul gəlirlərinin daha da artmasında əsas amillərdən biri olmuşdur. Həyata keçirilən tədbirlər nəticəsində cari ildə bütün növ kənd təsərrüfatı məhsulları istehsalında yüksək göstəricilərə nail olunmuşdur. O cümlədən, keçən ilin eyni dövrü ilə müqayisədə meyvə istehsalı 7,7 min ton, qarğıdalı istehsalı 2,4 min ton, tərəvəz istehsalı 934 ton, ət istehsalı 374 ton, süd istehsalı 1023 ton, yumurta istehsalı 461 min ədəd, yun istehsalı 3,6 ton, barama istehsalı isə 1,3 ton artmışdır. Hazırda rayonda kənd təsərrüfatı məhsullarının tədarükü davam edir.
Bölmənin digər xəbərləri
