Balakəndə qanvermə aksiyasında 100-dən çox könüllü qan vermişdir
Balakən, 22 avqust (AZƏRTAC). Səhiyyə Nazirliyinin tədbirlər planına uyğun olaraq, avqustun 22-də Balakən Mərkəzi Rayon Xəstəxanasında könüllü qanvermə aksiyası keçirilmişdir.
AZƏRTAC xəbər verir ki, B.Eyvazov adına Elmi-Tədqiqat Hematologiya və Transfuziologiya İnstitutunun Mərkəzi Qan Bankının həkim və tibb işçiləri tərəfindən keçirilən bu xeyirxah aksiyanın məqsədi talassemiyalı və hemofiliyalı xəstələrə kömək göstərmək, onlara dəstək olmaqdır.
Gün ərzində davam edən aksiyada 100-dən çox könüllü qan vermişdir. Aksiyada rayonun səhiyyə və təhsil işçiləri, yerli icra və bələdiyyə orqanlarının əməkdaşları fəallıq göstərmişlər.
Toplanmış qan laboratoriya müayinəsindən keçirildikdən sonra Mərkəzi Qan Bankına təhvil veriləcəkdir.
Bölmənin digər xəbərləri
