Balakəndə tədbir: “Narkotikə yox deyək, sağlam vərdişlər sağlam gələcəyin əsasıdır”
Bakı, 11 may, AZƏRTAC
Balakəndə narkotik vasitələrin zərərləri ilə bağlı tədbir keçirilib.
Bu barədə Daxili İşlər Nazirliyinin mətbuat xidmətindən məlumat verilib. Bildirilib ki, "Narkotikə yox deyək, sağlam vərdişlər sağlam gələcəyin əsasıdır" mövzusunda maarifləndirmə tədbir Balakən Rayon Polis Şöbəsinin təşkilatçılığı ilə rayonun Hənifə kənd orta məktəbində keçirilib.
Rayon polis şöbəsinin rəis müavini Elxan Zamanov xalqın, millətin təhlükə mənbəyinə çevrilən narkomaniya bəlasının insan həyatında sağalmaz fəsadlar yaratdığını bildirib, “ağ ölüm” lə mübarizənin sağlam cəmiyyətin formalaşması baxımından əsas məqsəd və vəzifələrdən biri olduğunu diqqətə çatdırıb.
Daha sonra mövzu ilə əlaqəli şagirdləri maraqlandıran suallar cavablandırılıb və onların fikirləri dinlənilib.
Bölmənin digər xəbərləri
