Balakənli fermerlər indiyədək 277 ton quru tütün istehsal ediblər
Balakən, 1 dekabr, Mustafa Dadaşov, AZƏRTAC
Bu il Balakən rayonunun təsərrüfatlarında 300 hektar sahədə tütün əkilib. Balakənli fermerlər cari mövsümdə 243 hektar sahədə “Virciniya botaniki”, 57 hektarda isə yerli “İmmuniy” növlü tütün sortları yetişdiriblər. Hazırda rayonun təsərrüfatlarında tütün yığımı yekunlaşmaq üzrədir. Mövsümün əvvəlindən indiyədək sahələrdən 1331,2 ton yaş tütün yarpağı yığılıb.
Bu barədə AZƏRTAC-ın bölgə müxbirinə Balakən Dövlət Aqrar İnkişaf Mərkəzinin bitkiçilik sektorunun müdiri Şahin Rəhimli məlumat verib.
Qurum rəsmisinin sözlərinə görə, bu günədək emal məntəqəsində, eləcə də fərdi təsərrüfatlarda dərilmiş yaş tütün kütləsindən 277 ton quru tütün istehsal olunub. Qurudulmuş tütünün 233,5 tonu istehsalçılar tərəfindən tədarük məntəqələrinə satılıb və hazırda proses davam edir.
Bölmənin digər xəbərləri
