BALAKƏNLİLƏR HEYDƏR ƏLİYEVİNƏZİZ XATİRƏSİNİ DAİM UCA TUTURLAR
AZƏRTAC-ın müxbiri xəbər verir ki, dekabrın 12-də rayon rəhbərliyi, ağsaqqallar və gənclər, ziyalılar, sadə insanlar, məktəblilər Heydər parkına gələrək, ümummilli liderin abidəsini ziyarət etmiş, büstün önünə əklillər qoymuş, gül-çiçək düzmüşlər. Mərasimdə ulu öndər Heydər Əliyevə həsr olunmuş ədəbi-bədii kompozisiya nümayiş etdirilmiş, mahnı və şeirlər səslənmişdir.
Həmin gün Yeni Azərbaycan Partiyası rayon təşkilatının binasında partiyanın banisi Heydər Əliyevin büstünün açılış mərasimi olmuşdur. Mərasimdən sonra rayon fəallarının iştirakı ilə keçirilən yığıncaqda icra hakimiyyətinin başçısı Asif Məmmədov, YAP rayon təşkilatının sədri Akif Uluxanov, ziyalılar çıxış edərək, ümummilli liderimizin nəsillərə nümunə olan zəngin həyat yolu, Vətən və xalq qarşısında misilsiz tarixi xidmətləri barədə danışmış, ulu öndərə sonsuz məhəbbət və ehtiramlarını bildirmiş, Heydər Əliyev siyasi məktəbinin layiqli yetirməsi Prezident İlham Əliyevin böyük öndərin müəyyən etdiyi daxili və xarici siyasi xətti uğurla davam etdirdiyini vurğulamışlar.
Anım günündə rayonun bütün təhsil müəssisələrində xalqımızın xilaskar oğluna həsr olunmuş dərslər keçirilmiş, məscidlərdə onun ruhuna dua oxunmuş, ehsan verilmişdir.
Bölmənin digər xəbərləri
