Bank sektorunun xarici öhdəlikləri artıb
Bakı, 31 oktyabr, AZƏRTAC
Cari ilin sentyabr ayında manatla geniş mənada pul kütləsi (M2) ilin əvvəlinə nəzərən 16 faiz, ötən ilin müvafiq dövrünə nəzərən isə 23,6 faiz artaraq 27 milyard 698,7 milyon manat təşkil edib.
AZƏRTAC Mərkəzi Banka istinadla xəbər verir ki, bank sektorunun xarici öhdəlikləri ilin əvvəlinə nəzərən 744,3 milyon manat artaraq 1 milyard 807.6 milyon manat olub. Xarici öhdəliklərdəki qeyd olunan dəyişiklik əsasən qeyri-rezident fiziki şəxslərin cari hesabları və qeyri-rezident bankların “loro” müxbir hesabları və depozitlərinin həcmindəki artım ilə əlaqədardır.
Bölmənin digər xəbərləri
