“Barselona”nın futbolçusu Usman Dembele klubun tarixinə düşüb
Bakı, 24 oktyabr, AZƏRTAC
İspaniyanın “Barselona” komandasının futbolçusu Usman Dembele klubun tarixinə düşüb.
AZƏRTAC Kataloniya təmsilçisinin mətbuat xidmətinə istinadən xəbər verir ki, fransalı hücumçu La Liqanın 11-ci turunda “Atletik”i 4:0 hesabı ilə məğlub etdikləri matçda yubiley qoluna imza atıb.
Oyununun 12-ci dəqiqəsində hesabı açan forvard “Barselona”nın çempionatdakı 4000-ci qolunu vurub.
Qeyd edək ki, futbolçu 2017-ci ildən “Barselona”da çıxış edir. O, bu mövsüm La Liqada 11 oyuna 3 qol vurub, 5 məhsuldar ötürmə edib.
Bölmənin digər xəbərləri
