BDU-DA BAKI UNİVERSİTETİ NƏŞRİYYATI, ÜZGÜÇÜLÜK KOMPLEKSİ VƏ VELOSİPED İDMANI MUZEYİNİN AÇILIŞI OLMUŞDUR
Milli Məclis sədrinin birinci müavini Ziyafət Əsgərov, təhsil naziri Misir Mərdanov, Azərbaycan Milli Elmlər Akademiyasının prezidenti, akademik Mahmud Kərimov, parlamentin deputatları, tanınmış alimlər və təhsil işçiləri açılış mərasimində iştirak etmişlər.
Universitetin rektoru, Milli Məclisin deputatı, AMEA-nın müxbir üzvü Abel Məhərrəmov xalqımızın ümummilli lideri, dünya şöhrətli siyasi və dövlət xadimi Heydər Əliyevin təhsilimizə göstərdiyi diqqət və qayğıdan danışmış, ulu rəhbərimizin ideyalarının Prezident İlham Əliyev tərəfindən ardıcıl surətdə həyata keçirildiyini vurğulamışdır.
Bu ali təhsil müəssisəsində müasir tədris şəraitindən, qazanılmış uğurlardan bəhs edən rektor, yeni yaradılan nəşriyyat, üzgüçülük kompleksi və velosiped idmanı muzeyi haqqında da məlumat vermişdir.
Sonra tədbir iştirakçıları müasir tələblərə cavab verən, lazımi avadanlıq və texniki qurğularla təchiz edilmiş nəşriyyat və üzgüçülük kompleksi, zəngin eksponatlara malik velosiped idmanı muzeyi ilə tanış olmuşlar.
Bölmənin digər xəbərləri
