BDU-nun 17 məzunu IV “Maarifçi” tələbə-məzun təcrübə proqramının iştirakçısıdır
Bakı, 2 sentyabr, AZƏRTAC
Elm və Təhsil Nazirliyinin təşəbbüsü və Təhsilin İnkişafı Fondunun dəstəyi ilə həyata keçirilən IV “Maarifçi” tələbə-məzun proqramının qalibi olan 53 nəfərdən 17-si Bakı Dövlət Universitetinin (BDU) məzunudur. Onlar BDU-nun Hüquq, Tarix, Beynəlxalq münasibətlər və iqtisadiyyat, Kimya, Tətbiqi riyaziyyat və kibernetika fakültələrinin, eləcə də SABAH qruplarının məzunlarıdırlar.
BDU-dan AZƏRTAC-a bildirilib ki, proqram çərçivəsində iştirakçılar Elm və Təhsil Nazirliyi və tabe qurumlarının müxtəlif struktur bölmələrində təcrübə keçirlər.
“Maarifçi” tələbə-məzun proqramı 2024-cü ildən təşkil olunur. Proqramın məqsədi tələbə və məzunlara təcrübə imkanı yaratmaq, onların bilik və bacarıqlarını artırmaq, nəzəri biliklərini real iş mühitində tətbiq etmək və gənclərə peşəkar vərdişlər qazandırmaqdır.
Bölmənin digər xəbərləri
