BDU-nun tələbə jurnalı Kaliforniya Universitetinin Berkli kitabxanasının fonduna daxil edilib
Bakı, 5 fevral, AZƏRTAC
Bakı Dövlət Universitetinin ölkə üzrə beynəlxalq bazalarda indekslənən ilk və yeganə tələbə jurnalı ABŞ-ın Kaliforniya Universitetinin Berkli kitabxanasının fonduna daxil edilib.
Universitetdən AZƏRTAC-a bildirilib ki, “Baku State University Law Review” adlı həmin jurnal Hüquq fakültəsinin Tələbə Elmi Cəmiyyəti tərəfindən nəşr olunur.
Berkli kitabxana sistemi 400-dən çox dildə 14 milyondan çox kitab, jurnal və digər fonda malikdir.
Qeyd edək ki, 2014-cü ildən nəşr olunan “Baku State University Law Review” jurnalı 2019-cu ildən etibarən “Scopus” bazasında idekslənir. Hüquqi yazı və hüquqi düşünmə bacarıqlarını inkişaf etdirmək üçün tələbələri akademik tədqiqat aparmağa həvəsləndirmək və bunu ədalətli rəqabətə çevirmək jurnalın əsas məqsədlərindəndir.
“Baku State University Law Review” jurnalında BDU-nun, eləcə də ölkəmizin və dünyanın müxtəlif ali təhsil müəssisələrinin tələbələrinin hüquq elminin müxtəlif istiqamətləri üzrə elmi əsərləri dərc olunur. Jurnala onlayn məqalə göndərmə sistemi mövcuddur və bütün məqalələrə açıq giriş təşkil edilib.
Bölmənin digər xəbərləri
