BELARUSDA İÇV/QİÇS ƏLEYHİNƏ MÜBARİZƏ ÖZ BƏHRƏSİNİ VERİR

11.11.2006 [21:53]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, Belarus Avropada İÇV/QİÇS epidemiyasını aradan qaldıran ilk ölkələrdən biri ola bilər. Bunu BMT-nin İnkişaf Proqramının (BMTİP) Belarusdakı nümayəndəsi xanım Cihan Sultanoğlu cinsi yolla keçən İÇV infeksiyasının, parenteral virus hepatitlərinin tibbi-sosial aspektlərinə həsr olunmuş konfransda bildirmişdir. O demişdir ki, Belarusda bu infeksiyanın yayılması sahəsində vəziyyəti sabitləşdirmək mümkün olmuşdur.

İÇV infeksiyasının yayılması sürətinin azalması BMTİP və Belarus Səhiyyə Nazirliyinin QİÇS-lə Mübarizə üzrə Qlobal Fondun maliyyə dəstəyi ilə respublikada reallaşdırdıqları layihə sayəsində mümkün olmuşdur. Layihənin dəyəri 6,8 milyon dollardan çoxdur. Hazırda layihənin birinci mərhələsi başa çatmaq üzrədir. Xanım Sultanoğlu demişdir ki, layihə çərçivəsində 530 xəstə, o cümlədən penitensiar sistem müəssisələrindəki xəstələr antiretrovirus müalicəsi keçirlər. Bundan əlavə, İÇV infeksiyası ilə əlaqədar tədqiqatlar aparmaq məqsədi ilə 6 ən müasir laboratoriya alınmışdır. Layihənin ikinci mərhələsini 2009-cu ildə başa çatdırmaq nəzərdə tutulmuşdur.

BELARUSDA İÇV/QİÇS ƏLEYHİNƏ MÜBARİZƏ ÖZ BƏHRƏSİNİ VERİR

MÜƏLLİFLƏ ƏLAQƏ

Bölmənin digər xəbərləri