BƏLƏDİYYƏLƏRƏ ƏLAVƏ SƏLAHİYYƏTLƏRİN VERİLMƏSİMEXANİZMİ QANUNLA TƏNZİMLƏNƏCƏK

13.12.2006 [19:52]
Çap et
A⁺ A^-

AZƏRTAC xəbər verir ki, Milli Məclisin regional məsələlər daimi komissiyasının dekabrın 13-də keçirilmiş iclasında “Bələdiyyələrə əlavə səlahiyyətlərin verilməsi haqqında” qanun layihəsi müzakirə olunmuşdur. Komissiyanın sədri Arif Rəhimzadə demişdir ki, 10 maddədən ibarət bu qanun müvafiq icra hakimiyyəti orqanları tərəfindən bələdiyyələrə yerli əhəmiyyətli məsələlərin həlli üçün əlavə səlahiyyətlərin verilməsi və onların həyata keçirilməsi qaydalarını müəyyən edəcəkdir. Layihədə ümumi anlayışlarla yanaşı, müvafiq icra hakimiyyəti orqanları tərəfindən bələdiyyələrə verilə bilən əlavə səlahiyyətlərin siyahısı, bələdiyyələrə əlavə dövlət səlahiyyətlərinin verilməsi qaydaları, həmin səlahiyyətlərin verilmə müddəti, həyata keçirilməsinin tənzimlənməsi, buna nəzarət və digər məsələlər nəzərdə tutulmuşdur.

Sənəddə bildirilir ki, bu qanunla bələdiyyələrə, dövlət mülkiyyətində olan obyektlərin idarə olunması, yaşayış fondu, qeyri-yaşayış binaları, kommunal xidməti obyektlərin istismarı, ictimai nəqliyyatın və təsərrüfat yollarının, vətəndaşlıq vəziyyəti aktlarının qeydiyyatı və digər səlahiyyətlər müqavilə, icarə, alqı-satqı yolu ilə verilə bilər.

Sonra Azərbaycan Respublikasının Goranboy, Kürdəmir və Şəmkir rayonlarının inzibati ərazi bölgüsündə qismən dəyişiklik edilməsi barədə qanun layihələrinə baxılmışdır.

Komissiya üzvləri, Ədliyyə Nazirliyinin Bələdiyyələrlə İş Mərkəzinin nümayəndələri, eləcə də Bakı və ətraf rayonların bələdiyyə sədrləri və üzvləri qanun layihəsi ilə bağlı təkliflərini bildirdikdən sonra sənədlər Milli Məclisin müzakirəsinə tövsiyə olunmuşdur.

BƏLƏDİYYƏLƏRƏ ƏLAVƏ SƏLAHİYYƏTLƏRİN VERİLMƏSİMEXANİZMİ QANUNLA TƏNZİMLƏNƏCƏK

MÜƏLLİFLƏ ƏLAQƏ

Bölmənin digər xəbərləri