Beynəlxalq konqresdə Azərbaycanın antik dövr küp qəbirləri ilə bağlı məruzə dinlənilib
Bakı, 18 noyabr, AZƏRTAC
Gürcüstanın Tbilisi Dövlət Universiteti, Qafqazşünaslıq Elmi-Tədqiqat İnstitutu, A.Çikobava adına Linqvistika İnstitutu, İ.Çavçavadze adına Saquramo Dövlət Muzeyi və Adıgey Mədəniyyət Mərkəzinin təşkilatçılığı ilə Mixail Loxvitskinin 100 illiyinə həsr edilmiş “Qafqazşünasların I Beynəlxalq Linqvistika-Antropologiya Konqresi” keçirilib.
Milli Azərbaycan Tarixi Muzeyindən AZƏRTAC-a bildirilib ki, konqresdə bu müəssisənin Arxeologiya elmi-fond şöbəsinin elmi işçisi Emin Məmmədov “Azərbaycanın antik dövrə aid küp qəbirləri” mövzusunda onlayn məruzə edib.
Məruzədə Azərbaycan və Gürcüstanda aşkar olunan antik dövrə aid arxeoloji artefatktlar müqayisəli təhlillər əsasında öyrənilib, əldə edilən qənaətlər barədə məlumat verilib.
Məruzənin nəşri nəzərdə tutulub.
Bölmənin digər xəbərləri
