Binəqədi rayonunda mağazadan 600 manat məbləğində pul oğurlayan şəxs tutulub
Bakı, 22 fevral, AZƏRTAC
Binəqədi rayonunda mağazadan 600 manat məbləğində pul oğurlayan şəxs tutulub.
Daxili İşlər Nazirliyinin mətbuat xidmətindən AZƏRTAC-a bildiriblər ki, fevralın 16-da rayon ərazisindəki mağazaların birindən 600 manat oğurlamaqda şübhəli bilinən Qazax rayon sakini X.Vəliyev Binəqədi Rayon Polis İdarəsinin 40-cı polis bölməsinin əməkdaşlarının keçirdikləri əməliyyat-axtarış tədbirləri nəticəsində saxlanılıb.
Araşdırmalarla onun Cinayət Məcəlləsinin 177-ci (oğurluq) maddəsi ilə axtarışda olması da müəyyən edilib.
Faktla bağlı rayon polis idarəsində araşdırma aparılır.
Bölmənin digər xəbərləri
