Binəqədi rayonunda quldurluq edən şəxs saxlanılıb
Bakı, 23 yanvar, AZƏRTAC
Binəqədi Rayon Polis İdarəsinin 5-ci polis bölməsinə müraciət edən Bakı şəhər sakini D.Əhmədov yanvarın 16-da saat 23 radələrində rayon ərazisindəki qəbiristanlıqda üç nəfərin onu bıçaqla hədələyərək 600 manat tələb etmələrini, pulu olmadığını dediyindən döyüb mobil telefonunu aldıqlarını bildirib.
Daxili İşlər Nazirliyinin mətbuat xidmətindən AZƏRTAC-a bildiriblər ki, keçirilmiş əməliyyat-axtarış tədbirləri nəticəsində quldurluğu törətməkdə şübhəli bilinən A.Muradlı polis əməkdaşları tərəfindən saxlanılıb.
Faktla bağlı araşdırmalar davam etdirilir.
Bölmənin digər xəbərləri
