“Biz birlikdəyik” beynəlxalq mükafatı bu il COVID-19 ilə mübarizədə fərqlənənlərə təqdim olunacaq
Bakı, 19 avqust, AZƏRTAC
Ötən ilin yayında Rusiya Könüllülər Birliyi dünya ölkələrinin vətəndaşlarının və təşkilatlarının qlobal humanitar problemlərin həllinə və beynəlxalq əməkdaşlığın gücləndirilməsinə töhfə vermələrinin təşviqi məqsədilə “Biz birlikdəyik” (We Are Together) beynəlxalq mükafatını təsis etmək təşəbbüsünü irəli sürüblər.
AZƏRTAC xəbər verir ki, bu il mükafat COVID-19-un yayılması ilə mübarizə tədbirlərinə həsr olunub.
Mükafat laureatlarının siyahısı, milli və ya beynəlxalq səviyyədəki töhfənin əhəmiyyətini nəzərə alaraq, beynəlxalq münsiflər heyəti tərəfindən tərtib edilir. Dünyanın 7 subregionundan olan laureatların mükafatlandırma mərasimi cari il dekabrın 1-dən 5-dək Rusiyada keçiriləcək əsas könüllü tədbiri - "Birlikdəyik" Beynəlxalq Vətəndaş İştirakçılığı Forumu çərçivəsində baş tutacaq.
Müsabiqədə iştirak üçün müraciətlərin qəbulu sentyabrın 20-dək davam edəcək.
Mükafatın şərtləri və təşkilatçıları haqqında ətraflı məlumat, həmçinin iştirak ərizəsi “https://wearetogetherprize.com/” rəsmi saytında yerləşdirilib.
Bölmənin digər xəbərləri
